Другі міні-фестываль вулічнага мастацтва пройдзе ў Гродне

|

Тэатр вагню “Ergo bibamus” сумесна з аддзелам па справам моладзі Гродзенскага гарвыканкама запрашаюць  вулічныя тэатры, мастакоў, актораў, танцораў ды музыкаў прыняць актыўны ўдзел у фестывалі.

Ужо вядома, што Другі міні-фестываль вулічнага мастацтва збярэ нашмат больш удзельнікаў-выступоўцаў, чым у мінулым годзе.

Удзел у ім будуць браць не толькі гарадзенскія прадстаўнікі вулічнага мастацтва, але і госці з іншых гарадоў Беларусі.  Напрыклад, fire show для гледачоў будуць паказваць ўдзельнікі з Мінска, Гомеля ды Салігорска.

 

Плануецца выступленне розных музычных калектываў ды артыстаў. Напрыклад, тэатр Fraternidad de escrima “Mascarada Matador” пакажа фехтавальныя шоў у рознай стылістыцы – ад піратаў, да канкістадораў, ад Іспаніі і Венецыі, да Ўсходняй Еўропы.

Будуць на фестывалі і неон-шоў, і выступленне тэатра пантамімы, і паказальныя выступы чэрлідэраў. 

Пакуль падрыхтоўка да фестываля ідзе поўным ходам, у творчых калектываў ёсць яшчэ шанец трапіць у спіс яго  удзельнікаў.

Арганізатары прымаюць заяўкі ад усіх жадаючых да 10 красавіка.
Стаць удзелькам нескладана.
Трэба проста запоўніць заяўку ў афіцыйнай групе мерапрыемства Укантакце:
 https://vk.com/topic-50343721_27810705