Пад арэнднае жыллё ў Гродне прапануюць кватэры з прыбіральняй на вуліцы
Паводле абвесткі, змешчанай на сайце гарвыканкама, двухпакаёвая кватэра (вул.Асавіяхімаўская, 1-3) агульнай плошчай 32,4 кв.м мае пячное ацяпленне, халоднае водазабеспячэнне, каналізацыю, “прыбіральню дваравую”.
Жыллё знаходзіцца ў мансарднай частцы дома 1935 года пабудовы.
Другая кватэра – двухпакаёўка агульнай плошчай 47,4 кв.м па адрасе вул.Друцк, 2-4.
Не ўзіраючы на тое, што дом маладзейшы – 1952 года, умовы ідэнтычныя: пячное ацяпленне, халоднае водазабеспячэнне, балонны газ і прыбіральня ў двары.
Адміністрацыя Ленінскага раёна прапануе арандатарам пасяліцца ў гістарычным будынку 1898 года па адрасе вул.Карла Маркса, 14-1, альбо ў кватэры па вул.Валковіча, 25-15, 1960 года будаўніцтва.
Найлепшыя (цалкам сучасныя) умовы для пражывання – у доме, пабудаваным 115 гадоў таму.
У Гродне арэндная плата за карыстанне жылымі памяшканнямі камерцыйнага фонда налічваецца з разліку 10 тысяч рублёў за квадратны метр агульнай плошчы ў месяц.
Для кватэр, у якіх адсутнічае гарачае, халоднае водазабеспячэнне, цэнтральнае ацяпленне, аплата памяньшаецца на 10% за кожны адсутны від інжынернай сістэмы.
Да гэтай пары пад арэнднае жыллё ў Гродне вылучаліся кватэры ў новапабудаваных дамах.
Здымак http://modusponens.info