Па выніках праверкі “Мастоўдрэва” распачатая крымінальная справа

|

Кантракт падпісаны яшчэ ў 2004 годзе.

Камерцыйная структура абавязалася спраектаваць, паставіць і ўсталяваць паравы кацёл і турбіну супрацьціску з камплектам неабходнага абсталявання.

 

Працы былі выкананыя і “Мастоўдрэў” выплаціў за паслугі больш за 10 мільярдаў рублёў.

Але выявілася, што міні-ТЭЦ не адпавядае неабходным тэхнічным характарыстыкам, мае мноства недапрацовак, з-за якіх неаднойчы спынялася.Пры гэтым выкіды дымавых газаў і іншых прадуктаў у атмасферу перавышае норму больш чым у 2 разы. Гэта стварае пагрозу належнаму цеплазабеспячэнню раённага цэнтра ў ацяпляльны сезон і негатыўна адбіваецца на экалагічнай сітуацыі ў Мастах.

З-за таго, што дагэтуль абсталяванне не забяспечвае дасягненне праектнай магутнасці, прадпрыемства церпіць штомесячныя страты.

Выдаткі замоўніка на рамонт міні-ТЭЦ у перыяд з скавіка 2008 да чэрвеня 2012 года перавысілі 200 мільёнаў рублёў.

Крымінальная справа распачатая пракурорам Гродзенскай вобласці Віктарам Марозавым і накіраваная ў следчы камітэт.

 

Паводле http://www.belta.by  

Здымак http://energoeffekt.gov.by