Фестываль “Каложскі дабравест” пройдзе ў Гродне 19-22 лютага

Фестываль “Каложскі дабравест” пройдзе ў Гродне 19-22 лютага

Адкрые фестываль выступ уладальніка Гран-пры сёлетняга “Каложскага дабравесту” – хор студэнтаў Маскоўскай дзяржаўнай кансерваторыі імя П.І.Чайкоўскага пад кіраўніцтвам С.Калініна.

У першыя дні фэсту ў Свята-Пакроўскім саборы пройдуць конкурсныя праслухоўванні ўдзельнікаў. А 20 і 21 лютага ў Гродзенскім музычным каледжы і ў Новым замку адбудуцца пазаконкурсныя канцэрты для шырокага кола слухачоў.

У час правядзення “Каложскага дабравесту” ў Гродне пройдуць таксама тэматычныя выставы, кіналекторыі, вечарыны духовай паэзіі і песні.

Фестываль “Каложскі дабравест” з 2002 года ладзяць Гродзенская праваслаўная епархія і Гродзенскі аблвыканкам.

У журы – святары з музычнай адукацыяй, выкладчыкі музычных навучальных установаў Беларусі, Расіі, Францыі, Румыніі, кампазітары, кіраўнікі харавых калектываў.

Паводле http://grodno.gov.by

Здымак http://grodnonews.by