Выстава Кастуся Качана адкрыецца ў Гродне

14 снежня 2013 Кася Крот |

Мастак прадставіць гарадзенцам створаныя цягам апошніх 3 гадоў пейзажы і нацюрморты.

Асноўная тэма прац Кастуся Качана – правінцыя, мястэчкі, якія захавалі сваю гісторыю і энергетыку, людзі з іхнімі клопатамі і штодзённым жыццём.

Мастак жыве і працуе ў Наваградку.

Творы захоўваюцца ў музеях Беларусі і Расіі, прыватных замежных зборах.

Вернісаж у галерэі “Крыга” адбудзецца 18 снежня а 17-ай гадзіне.

Выстава будзе доўжыцца з 18 да 31 снежня.