Ад 2 да 7 гадоў пазбаўлення волі за кантрабанду

|
Паводле артыкула 228-1 змогуць пакараць, напрыклад, кантрабандыстаў, якія перапраўляюць на платах праз Нёман у Літву беларускія цыгарэты. Адпаведная прапанова за подпісам А.Лукашэнкі перададзеная ў Палату прадстаўнікоў.

Калі вінаваты раней не быў судзімы, прадугледжваецца пакаранне да 2 гадоў, калі судзімы – да трох гадоў пазбаўлення волі. Калі злачынства зроблена арганізаванай групай тэрмін пакарання можа павялічыцца да 7 гадоў.

Пакуль цяжка казаць, ці будзе распаўсюджвацца дадзены артыкул на тых, хто, маючы незадэклараваны тавар, спрабуе скарыстацца “зялёным калідорам”. Але дакладна сюды падпадае дзенасць тых, хто, карыстаючыся ўсялякімі прыладамі, перапраўляе кантрабанду з Беларусі ў Літву і Польшчу па рэках.

Беларускі Крымінальны Кодэкс даўно прадугледжвае пакаранне за кантрабанду. Аднак раней гаворка вялася толькі пра  прадметы і каштоўнасці, забароненыя альбо абмежаваныя да ўвозу ў Беларусь і буйныя партыі тавараў коштам 2000 базавых велічынь.

 

Паводле nv-online.info

Здымак rulez-t.info