Удзельнік апытання ў Гродне: Не трэба спорт прыплятаць да палітыкі

| Без катэгорыі

“Каб людзі бачылі, што прымаюцца меры. Калі не будуць актывістаў садзіць, чалавек будзе ведаць, што можна выйсці на акцыю. Атрымліваецца, і ўсе будуць выходзіць. А так, пасадзілі — і ўсё”.

 

“Не гляджу навіны, таму не ведаю, каго арыштавалі. Я не магу так, на слых — а раптам няпраўда?”

 

“Проста пасадзілі, каб бачылі, што калі народ выйдзе, проста так з рук не сыдзе”.

 

“Народ жа ўжо разумее — чаго тут торгацца? Я маю на ўвазе “маўклівыя акцыі”.

 

“Можа, улады і баяцца такога раскладу, як якіясьці пікеты ці што іншае. Але масавага байкоту чэмпіянату, думаю, не будзе, бо ўсе зборныя прыехалі, шмат балельшчыкаў у нас на мяжы было — са Славакіі, Чэхіі. На самай справе, я гэтымі палітвязнямі не цікаўлюся і не ведаю, што і як. Думаю, чэмпіянат можа быць добры”.

 

“Калі актывісты супраць нашай краіны і “бацькі” на самай справе… Шчыра, я “бацьку” паважаю, хакей і “бацька” — адна і тая ж рэч, я думаю”.

 

“Ды вядома, не трэба спорт прыплятаць да палітыкі, чэмпіянат павінен у першую чаргу прайсці як спаборніцтва”.

 

“Зачыстка невялікая. Таму што гэта, па-першае, арганізоўвае прэзідэнт, таму што ён любіць і прапагандуе хакей, спорт. І потым, у людзей усякае на думцы, лішні раз перастрахавацца не перашкодзіць”.

 

“Асабіста я скажу: за гэтыя грошы, што аддалі на чэмпіянат свету, можна было вылечыць тысячы хворых беларускіх дзяцей у Германіі. Перастрахоўка! Я так зразумеў, што наш прэзідэнт і не да Украіны, і не да Расіі, баіцца байкоту, каб не паўтарылася Алімпіяда-80”.

 

Крыніца: БелаПАН