Журналіста Андрэя Мялешку аштрафавалі на 40 базавых

|

Ужо трэці раз у гэтым годзе яго прыцягваюць да адміністрацыйнай адказнасці за журналісцкую дзейнасць без акрэдытацыі, якую немагчыма атрымаць у Міністэрстве замежных спраў Беларусі.

 

Мялешку вінавацяць у незаконным вырабе і распаўсюдзе інфармацыі, у прыватнасці ў супрацы з замежным сродкам масавай інфармацыі – Беларускім Радыё Рацыя.

 

Журналіст лічыць чарговую справу супраць яго палітычна матываванай і называе гэта забаронай на прафесію.

 

Апроч Андрэя Мялешкі позву на суд па тым жа артыкуле чакае незалежная журналістка з Бярозы Тамара Шчапёткіна.

 

Беларускае Радыё Рацыя