“Нёман” выйграў Кантынентальны Кубак

|

Перамога ў асноўны час гульні з гаспадарамі турніра гарантавала “Нёману” датэрміновы трыумф у суперфінале Кантынентальнага Кубка.

 

Гарадзенская каманда бліскуча скарысталася гэтым шансам.

 

“Нёман” папросту не пакінуў шанцаў гаспадарам турніру, разграміўшы іх з лікам 6:2.

 

Шайбы ў складзе «Нёмана» закідвалі: Лісічкін, Мiхайлаў, Коршунаў, С.Маляўка, а таксама «навабранец» каманды Яраслаў Крыстэк, які зрабіў “дубль”.

 

Сустрэчу з казахстанскім “Іртышом”, якая адбудзецца 11 студзеня, гарадзенцы правядуць ужо ў рангу ўладальніка Кантынентальнага Кубка.

 

Дзякуючы перамозе на турніры гарадзенцы ўжо ў наступным сезоне згуляюць з наймацнейшымі камандамі Еўропы ў хакейнай Лізе чэмпіёнаў.

10 студзеня. “Фіштаўн Пінгвінз”, Германія – “Нёман”, Беларусь 2-6