“Мова Нанова Гародня” прысвеціць заняткі Рыгору Барадуліну (відэа)

24 лютага Рыгору Барадуліну споўнілася б 80 гадоў, але, на жаль, паэт пайшоў з жыцця 2 сакавіка 2014 года, так і не дажыўшы да свайго юбілею.

 

У госці да гарадзенцаў прыедуць Сяржук Доўгушаў і Алесь Мазанік.

 

Сяржук Доўгушаў – лідэр гурта “Vuraj” і саліст Белдзяржфілармоніі.

Музычна-вандроўны аркестрык “Vuraj” быў створаны ў снежні 2010 года.

 

У 2014 годзе калектыў выпусціў альбом “Rajok”, які аказаўся настолькі паспяховым, што музыкі сталі намінантамі на званне “Героі году-2014”, а песня “Вэлытай, пэрэпылко” узнялася на вышыню аўдыёчарту на Tuzin.fm.

 

Галоўнае месца ў творчасці гурта займаюць песні, сабраныя ў экспедыцыях і вандроўках.

 

Нядаўна Сяржук Доўгушаў заснаваў праект “Harmonic Style”,  у праграму якога ўвайшлі 15 народных песен з Вушаччыны, малой радзімы Рыгора Барадуліна.

 

24 лютага Сяржук арганізаваў у Мінску вечарыну, прысвечаную 80-годдзю Народнага паэта.

 

Алесь Мазанік – менеджэр культурніцкіх праектаў, арганізатар шоў і стваральнік інтэрнэт-крамы imbryk.by, якая дае студэнтам курсаў “Мова Нанова” зніжку ажно ў 25%.

 

У Гародню Алесь завітае з “Шоў беларушчыны”, падчас якога плануюцца гульні, віктарыны і, канешне, шмат падарункаў.

 

Заняткі, прысвечаныя Народнаму паэту Беларусі Рыгору Барадуліну пройдуць у панядзелак 2 сакавіка а 19 гадзіне па адрасе вул.Будзённага, 48а-63.

 

А на папярэдніх занятках курсаў наведвальнікі гарадзенскай “Мовы Нанова” разам прачыталі славуты верш Рыгора Барадуліна.