У “Нёмане” папаўненне

|

Каманду афіцыйна папоўнілі Андрэй Штыгель, Аляксандр Едэшка і Андрэй Хачатуран.

 

Усе тры гульцы добра вядомыя гарадзенскай публіцы. Хачатуран у мінулым сезоне выступаў за асноўную каманду, а Штыгель і Едэшка вядомыя сваім выступам за дублюючы склад “Нёмана”.

 

Андрэй Штыгель нарадзіўся ў Гродне 22 чэрвеня 1994 (20 гадоў; вага 70 кг, рост – 180 см).

 

Паўабаронца з’яўляецца выхаванцам гарадзенскай СДЮШАР-6 (першы трэнер Алег Севастьянiк).

 

З 2010 па 2012 гг. Андрэй выступаў за “дубль” жоўта-зялёных (24 гульні за тры сезоны).

 

У 2013 г. пакінуў клуб і адправіўся ў мінскае “Дынама”, з “дублем” якога стаў бронзавым прызёрам, а ў 2014 годзе – чэмпіёнам краіны.

 

У мінулым сезоне правёў за дубль «бела-сініх» 23 матчы.

 

Аляксандр Едэшка нарадзіўся ў Гродне 28 студзеня 1993 г. (22 гады; вага 74 кг, рост – 176 см).

 

Паўабаронца з’яўляецца выхаванцам гарадзенскiх футбольных школ СДЮШАР-6 і “Белкард” (першы трэнер Юрый Емяльянчык).

 

Едэшка мае вопыт выступлення ў Вышэйшай Лізе чэмпіянату Беларусі.

 

Яго дэбют ў мацнейшым дывізіёне краіны адбыўся ў 2010 годзе, аднак за тры сезоны Аляксандр згуляў толькі 11 матчаў за жоўта-зялёных.

 

За дубль гарадзенскага клуба Аляксандр правёў 68 матчаў, у якіх вызначыўся 8 разоў.

 

У 2013 годзе быў аддадзены ў арэнду ў светлагорскі “Хімік” (27 гульняў, 5 галоў), а сезон 2014 г. правёў на правах арэнды ў “Гарадзеі” (22 матчы).

 

Едэшка выступаў за юнацкую зборную Беларусі U-17 на Мемарыяле Гранаткіна ў 2011 годзе, а ў 2012 г. у складзе юнацкай зборнай Беларусі U-19 стаў срэбным прызёрам Кубка Садружнасці.

 

Андрэй Хачатуран нарадзіўся 2 верасня 1987 г.  у Мінску.

 

З’яўляецца выхаванцам мінскай футбольнай школы “Змена” (першы трэнер – Аляксандр Гегеня).

 

Дэбютаваў у Вышэйшай лізе ў складзе сталічнага клуба “Мінск” у 2007 годзе.

 

За 7 гадоў правёў у чэмпіянаце Беларусі 145 матчаў і забіў 8 галоў.

 

За гэты час паўабаронца тройчы станавіўся сярэбраным прызёрам першынства (у складзе «Шахцёра») і адзін раз бронзавым (“Мінск”).

 

Па выніках сезону 2012 г. патрапіў у спіс 22-х лепшых гульцоў Беларусі.

 

У мінулым сезоне Андрэй ужо выступаў за “Нёман” (13 гульняў, 1 гол).

 

Аднак атрыманая ў матчы з брэсцкім “Дынама” траўма не дазволіла палепшыць гэтую статыстыку.

 

15 жніўня 2012 года Хачатуран адыграў свой першы матч у складзе зборнай Беларусі супраць Арменіі.

 

Усяго на поле ў форме нацыянальнай зборнай нашай краіны выходзіў два разы.

 

Крыху раней кантракты з клубам падпісалі таксама брамнікі Сяргей Курганскі і Раман Фамін (Расія).

 

На праглядзе ў клубе знаходзіцца расійскі паўабаронца Драгамір Думініка

 

Нагадаем, што нядаўна склад “Нёмана” таксама папоўнілі Іван Дзянісевіч (на здымку вышэй зправа), Сяргей Сасноўскі, Андрэй Горбач і Аляксандр Анюкевiч.

 

Новы сезон “Нёман” распачне 21 сакавіка ў Барысаве гульнёй Кубка Беларусі супраць БАТЭ.

 

Фота: fcneman.by