Прадаўцы на “Фартах”: “Просьба сдерживать эмоции” (фотафакт)

|

– Як так можа быць? У Іспаніі выгадавалі, аж сюды прывезлі – а каштуе таней, чым тое, што вырасла тут? – абураецца ў голас коштамі на беларускую садавіну і гародніну сівы гарадзенец.

 

– А Вы хіба не ведаеце, у якой краіне жывеце? – спрабуе апраўдацца адна з прадавачак.

 

Яе суседка насупраць спрабуе пазбегнуць марных размоваў пра кошты жартаўлівым самаробным плакатам на шкле свайго павільёну (глядзі здымак уверсе), дзе напісана, што яна сама ў шоку ад коштаў.

 

З беларускай садавіны на прылаўках рынку пакуль толькі трускаўкі.

 

Самыя танныя (не надта прыгожыя, розных памераў) – бераставіцкія. Каштуюць ад 25 да 40 тыс. за кілаграм. Найдаражэй прадаваў свае трускаўкі (буйныя, ягадка ў ягадку) гаспадар з-пад Сапоцкіна – за 45 тыс.

 

У бліжэйшыя дні, калі трускаўка выспее на агародах і ў іншых блізкіх да Гродна мясцовасцяў, кошты на яе пойдуць уніз і, магчыма, наблізяцца да беластоцкіх, дзе кошт на гэтыя ягады вагаецца зараз паміж 15-20 тысячамі беларускіх рублёў.

 


Кошты на садавіну на рынку на Фартах (14 чэрвеня):

 

Чарэшні – 55 тыс.

 

Абрыкосы – 55 тыс.

 

Вінаград кішміш – 70 тыс.

 

Персікі – 60-70 тыс.

 

Апельсіны – 25 тыс.

 

Яблыкі – 20-25 тыс.

 

Сліўкі – 90 тыс.

 

Грушкі – 35-45 тыс.

 

Трускаўкі – 25-45 тыс.