Не прайшло і года: Чаму зачыніўся бар LumberJack?
– Бар зачыніўся з-за недахопу наведвальнікаў, і некаторыя людзі няправільна зразумелі тэматыку бара – лічылі, што толькі чалавек з барадой можа наведваць месца. Але таксама на закрыцці бара адбіўся і крызіс, – адзначыў напачатку размовы Максім.
– Кім былі вашы асноўныя кліенты?
– Нашы кліенты – розныя людзі, розных узростаў і поглядаў. Бар наведвалі вельмі шмат турыстаў, якія пасля станавіліся нашымі пастаяннымі кліентамі.
– Ці магчыма было пазбегнуць закрыцця?
– Пазбегнуць закрыцця, напэўна, можна было. Галоўнае было дацягнуць да восені, дачакацца заканчэння сезона адпачынкаў і пахаладання. Магчыма, нешта змянілася б, але цяжка было чагосьці чакаць.
– Што зараз будзе на месцы бара?
– На гэтым месцы будзе таксама кропка грамадскага харчавання, але нічога казаць не буду, хутка самі ўсё ўбачыце. Пакуль будзем чакаць, адкрыццё яшчэ не ў гэтым годзе.
– Якую параду на будучыню дадзіце бізнэсмэнам-пачаткоўцам?
– Пачаткоўцам магу сказаць, каб дбайней прадумвалі бізнес-план і знаходзілі выгадныя ўмовы ва ўсім. Але ў любым выпадку поспехаў ім.
Бар LumberJack адкрыўся 8 сакавіка і праіснаваў амаль паўгода. Глядзіце наш рэпартаж з адкрыцця бара ТУТ.