Трагедыя на Дзевятоўцы: старыя сябры кажуць, што падазраваны ў забойстве звязаўся з кепскай кампаніяй

|

На вуліцы Малышчынскай, дзе адбылася трагедыя, шматлюдна. Дзеці, як звычайна, гуляюць на вуліцы. Пра наступствы пажару нагадваюць толькі выламаныя дзверы, што стаяць на вуліцы, ды ўспаміны відавочцаў.

Міхаіл, сябар падазраванага ў забойстве, быў адным з першых, хто даведаўся пра пажар. Ён разам з суседзямі быў у пад’ездзе, калі адкрывалі кватэру.


– Спачатку на вуліцу выйшла наша суседка, якая стала крычаць, што гарыць адна з кватэр у доме. Мой бацька выглянуў у вакно і ўбачыў, як з верхняга паверху выходзіў чорны дым. Мы ўсе як адзін кінуліся да падпаленай кватэры, бо ведалі, што там жыве сям’я з дзецьмі.


За лічаныя хвіліны ў двары сабралася шмат людзей, якія назіралі за тым, што адбываецца. Хтосьці нават спрабаваў забегчы ў пад’езд і дапамагаць нам на паверсе. Але людзей там было звышдастаткова, так што ўсіх адсылалі ўніз. Сваімі сіламі дарослыя мужчыны выбілі дзверы і ўвайшлі ў кватэру. З іх словаў, яна ўся была ў дыме, а ў хуткім часе і пажарныя падаспелі, яны патушылі вагонь. Калі я ўвайшоў, то звярнуў увагу на тэлевізары якія літаральна пацяклі разам з пластмасавымі цацкамі.

 

Іншы хлапчук, якому ўдалося трапіць у кватэру, імя сваё не назваў, але пра падрабязнасці таго, што адбылося распавёў:

 

Няхай пасадзяць яго. Мы ж з ім калісьці былі лепшымі сябрамі. Часта ў яго дома гулялі на камп’ютары. А пасля ён змяніўся. Звязаўся з нейкай незразумелай кампаніяй. Піць, паліць і на “стрэлкі” стаў хадзіць. З тых часоў з гэтым блатным я перастаў мець зносіны.


Калі я зайшоў у кватэру, то ўбачыў у пакоі на падушцы кроў. Хутчэй за ўсё, гэта была кроў яго маці. Хлопцы распавядаюць, што пасля скандалу Д. штурхнуў яе і яна стукнулася галавой аб кут стала. Далей ён яе занёс у пакой і, хутчэй за ўсё, некалькі разоў ударыў малатком па галаве. Пасля гэтага ён адправіўся ў пакой да малога і яго задушыў. Каб пазбавіцца доказаў, ён абліў маці гарэлкай і падпаліў кватэру, а сам уцёк. Чуткі ў нас па доме ходзяць розныя, але пра гэтую версію кажуць часцей за ўсё.

 

Да жанчыны, якая выжыла ў пажары, многія суседзі ўжо хадзілі ў бальніцу. Расказваюць пра тое, як яна прыйшла ў прытомнасць і ў яе пачалася істэрыка. Быццам бы, яе нават некалькі разоў прывязвалі, каб нічога з сабой не зрабіла. Зараз кажуць, маўляў, супакоілася і хоча абараніць сына.

 

Айчым падазраванага хлапчука кажа, што выгадаваў у хаце “змяю”. У Д. было ўсё што можа пажадаць сучасны падлетак: камп’ютар, тэлефон, ровар, грошы… Але чаму ён пайшоў на страшнае злачынства ніхто адказаць не можа. Былыя сябры падазраванага распавядаюць, што ўсё ж ён любіў сваіх брата і маму.

Самага малодшага сына ўжо пахавалі на могілках у Капцёўцы. Д. ўжо прывозілі следчыя і ён паказваў, што і як здзейсніў той ноччу. Пагаворваюць, быццам ён будзе мяняць свае паказанні, якiя даваў раней.

 

Зараз у двары, дзе адбылося здарэнне, бацькі баяцца адпускаць толькі маленькіх дзяцей на вуліцу, а вось старэйшым сталі дазваляць нашмат больш. Жыхары дома кажуць, што бацькі занепакоеныя і хочуць пазбегнуць падобных выпадкаў.