Адведай 85 “разынак” Гарадзеншчыны: Карэліцкі раён

|

Агляд самых цікавых месцаў гэтага раёна Гарадзеншчыны падрыхтаваў для нас Дзмітрый Манкевіч, загадчык сектарам па экскурсійнай працы ўстановы “Музей “Замкавы комплекс “Мір”.

1. Замкавы комплекс XVI-XX стст. у г.п. Мір

 

Адзін з самых пазнавальных сімвалаў Беларусі, гісторыка-культурная каштоўнасць нацыянальнага значэння і сусветнай культурнай спадчыны ЮНЕСКА.

 

Шыкоўны замак, музей, а з нядаўняга часу – яшчэ і месца правядзення шыкоўнага Mirum Music Fest – адведайце самі і зразумейце, чаму ў Мір круглы год едуць турысты.

 

2. Вёска Першамайскі

Фота Алены Паўлоўскай, radzima.org


Тут знаходзіцца сядзіба «Обрына» (XIX – пач. XX ст.), якая належала Кашыцам да 1939 г.

 

Таксама тут можна палюбавацца на арачны мост – рэдкае інжынернае збудаванне. У Беларусі іх засталося ўсяго 3-4. Захавалася капліца XIX стагоддзя.

 

3. Беразавец

 

“Разынкай” гэтай мясцовасці з’яўляецца Траецкая царква ў рэтраспектыўна-рускім стылі.

 

Фота Алеся Гізуна, intex-press.by


На левым беразе р. Сэрвач захавалася старажытнае гарадзішча.

 

4. Вялікая Слабада

 

Царква Уваскрасення Хрыстова (1863?).

 

Можна ўявіць сабе, якім быў бы прыгожы храм, калі б не Першая сусветная вайна.

 

Але дух захоплівае нават ад маляўнічасці руін. Царква так і засталася недабудаванай.

 

Гэта сапраўдная знаходка для фотамастакоў. Цагліна мае такі насычаны колер, што здалёку здаецца, быццам яна падфарбавана.

 

5. Дольная Рута

\

Фота victogan.livejournal.com


У 1936 г. у гэтай вёсцы з цэглы і каменя ў нэарускім стылі была пабудавана царква Усіх Святых. Спачатку храм быў драўляным, затым – каменным.

 

Кажуць, у маёнтку, ад якога сёння нічога не засталося, часта бываў Адам Міцкевіч.

 

Навагрудскі юрыст Медард Растоцкі стаў апекуном Адама Міцкевіча пасля смерці яго бацькі.

 

Паводле легенды, у XIII ст. на гэтых землях размяшчалася рэзідэнцыя Міндоўга.

 

Нядаўна Дольная Рута патрапіла ў аб’ектыў галоўнага “дылетанта” краіны Юрыя Жыгамонта.


Чытай таксама:


Адведай 85 “разынак” Гарадзеншчыны: Астравецкі раён


Адведай 85 “разынак” Гарадзеншчыны: Ваўкавыскі раён


Адведай 85 “разынак” Гарадзеншчыны: Шчучынскі раён


Адведай 85 “разынак” Гарадзеншчыны: Мастоўскі раён