Папярэдзілі за “няправільную” газету ў машыне

|

Падставай для гэтага сталі друкаваныя выданні непрызнаванага ўладамі Саюза палякаў на Беларусі пад кіраўніцтвам Анжалікі Борыс – газета “Glos znad Niemna na uchodzstwie” і часопіс “Magazyn Polski”.

Гэтыя выданні ляжалі ў аўтамабіле Анджэя Пісальніка і былі канфіскаваныя супрацоўнікамі праваахоўных органаў у чэрвені.

На думку пракуратуры, перавозка незарэгістраваных выданняў з’яўляецца парушэннем заканадаўства.

Анджэй Пісальнік падставы папярэджання бачыць зусім у іншых прычынах:

– Я лічу, што гэтыя захады з’яўляюцца спробай абмежаваць распаўсюд паланійных друкаваных выданняў. Гэта выглядае даволі дзіўным, бо на мой погляд трэба папярэдзіць некалькі тысяч кіроўцаў, каб яны не мелі ў аўтамабілях забароненых у краіне газет і часопісаў. Калі яны абралі такі шлях, то перад імі яшчэ вялікая праца.

Паводле Радыё Рацыя

Фота Анджэя Пісальніка з сайта http://gdb.rferl.org