У Тэатры лялек у Гродне з’явілася свая кавярня, дзе нельга карыстацца інтэрнэтам

|

З пачатку кастрычніка кавярня працавала ў тэставым рэжыме. У пачатку лістапада, дапрацаваўшы і ўзгадніўшы некаторыя нюансы, “Шэкспір” адкрыўся для ўсіх. Але афіцыйнае адкрыццё кавярні яшчэ наперадзе. Яно адбудзецца 20 лістапада і будзе прымеркавана да юбілею тэатра.

У кавярні выступаюць супраць выкарыстання інтэрнэту. Для гасцей установы створаць усе ўмовы, каб яны змаглі адпачыць за кубкам кавы і чытаннем кніг. У “Шэкспіры” сабрана невялікая калекцыя літаратуры: як дзіцячай, так і дарослай.

Унікальнасцю ўстановы з’яўляецца арыгінальны спосаб прыгатавання кавы – кава па-в’етнамску. Яе робяць з дапамогай кропельнага фільтра.

У меню можна знайсці малочныя кактэйлі, гарачыя i халодныя напоі, а таксама безалкагольнае імбірнае віно. На дэсерт гасцям прапануюць выпечку і некалькі відаў марозіва. Да пачатку зімы ў “Шэкспіры” з’явяцца і алкагольныя напоі.

 

Не выключана, што ў кавярні будуць праходзіць тэматычныя вечары.