Гарадзенец адкажа перад судом за разбой 11-гадовай даўніны
Як паведаміў афіцыйны прадстаўнік упраўлення СК па Гродзенскай вобласці Сяргей Шаршаневіч, 11 гадоў таму ў кватэру бізнэсмэна праніклі двое мужчын і збілі яго, ужыўшы драўляную біту. Нягледзячы на атрыманыя траўмы, пацярпелы аказаў супраціў, выбег на лесвічную пляцоўку і паклікаў на дапамогу суседзяў, што вымусіла тых, хто нападаў, схавацца.
Падчас агляду месца здарэння была канфіскавана шапка-маска з прарэзамі для вачэй, сарваная пацярпелым з галавы аднаго з падазраваных. Эксперты выявілі на ёй і захавалі біялагічныя сляды, якія дазволілі вылучыць генатып уладальніка. Нанесеныя пацярпеламу цялесныя пашкоджанні былі аднесены да катэгорыі лёгкіх, якія не прывялі да расстройства здароўя.
Праведзеныя следчыя дзеянні і аператыўна-вышуковыя мерапрыемствы не далі выніку ва ўсталяванні падазраваных, а магчымасці судовай экспертызы ў тыя гады з’яўляліся абмежаванымі. У выніку расследаванне крымінальнай справы было прыпыненае.
Разам з тым праца па выкрыцці тых, хто нападаў, не спынялася, і ў лютым 2016 г., дзякуючы прымяненню сучаснага аналітычнага абсталявання і найноўшых методык эксперты ўстанавілі, што выяўлены на шапцы з прарэзамі для вачэй генатып належыць жыхару Гродна 1980 года нараджэння.
У ходзе правядзення далейшых следчых дзеянняў абгрунтаванасць падазрэнняў пацвердзілася. Следчыя высветлілі, што напад здзяйснялася з мэтай завалодання грашыма ў суме 7 тыс. долараў ЗША, а таксама маёмасцю пацярпелага. Высветлілі асобу саўдзельніка злачынства – гэта непрацоўны жыхар Гродна 1979 года нараджэння, які тры гады таму памёр.
Падазраваны быў затрыманы і пасля заключаны пад варту. Улічваючы, што з 2005 2013 год ён тройчы прыцягваўся да крымінальнай адказнасці за наўмысныя злачынствы, што перапыніла тэрмін даўнасці прыцягнення да крымінальнай адказнасці, па выніках расследавання яму прад’яўленае абвінавачванне ў здзяйсненні разбою групай асоб з пранікненнем у жыллё з мэтай завалодання маёмасцю ў буйным памеры (ч. 2 арт. 207 КК).
Крымінальная справа накіраваная для разгляду ў суд.