У Гродне прадпрымальнікі Паўднёвага рынка зачынілі гандлёвыя кропкі
Шумчанка распавёў, што раней прадстаўнікі Дзяржстандарту праводзілі на гэтым рынку маніторынг, не зрабіўшы ніякіх дзеянняў. 6 верасня прыйшлі падаткавікі: яны правяралі ці ёсць у ІП суправаджальныя дакументы на тавары. Праверка паспела зайсці толькі да некалькіх прадпрымальнікаў, астатнія адразу ж зачынілі свае гандлёвыя кропкі. На думку Шумчанкі, гэта сведчыць, што прадпрымальнікі па-ранейшаму не давяраюць падатковай.
Указ №222, які дзейнічае ад пачатку гэтага года, забараняе ІП гандляваць таварамі лёгкай прамысловасці без сертыфікатаў Мытнага саюза. Самі прадпрымальнікі кажуць, што ў Расіі ім цяжка атрымаць такія сертыфікаты. На пачатку года дзейнасць многіх ІП была паралізаваная ў выніку дзеяння гэтага ўказу.
Фота ілюстрацыйнае