Fair Play па-гарадзенску

4 сакавіка 2010 В.Дрэма |

Пенальці быў прызначаны суддзём з Турцыі напрыканцы першага тайма пры ліку 0-0.

Гарадзенцы адмовіліся выконваць удар, палічыўшы, што суддзя памыліўся.

Пасля доўгіх перамоваў арбітр настаяў на тым, каб яго рашэнне засталося ў сіле.

Тады капітан гарадзенцаў Віталь Надзіеўскі проста лёгка ўдарыў па цэнтру брамы, каб мяч патрапіў акурат у рукі брамніка каманды з Казахстана.

Цікава, што на вядучым спартыўным сайце Казахстана гэты эпізод быў залічаны ў актыў брамніка “Іртыша”, які “оказался на высоте, отразив удар“.

У другім тайме казахі выйшлі наперад, аднак за некалькі хвілін да канца гульні паўабаронца гарадзенцаў Віталь Валадзянкоў лік параўняў.

Заўтра “Нёман” згуляе апошнюю гульню ў межах трэніровачнага збора ў Турцыі. Супернікамі гарадзенцаў будуць футбалісты расійскага “Ніжняга Ноўгарада”.

Новы футбольны сезон гарадзенцы распачнуць 13 сакавіка гульнёй 1/4 фінала Кубка Беларусі супраць салігорскага “Шахцёра”.

На здымку: “Нёман” супраць “Іртыша”. На пярэднім плане аўтар гола ў браму гарадзенцаў Мілан Нікаліч.