У Гродне адбудзецца суд над журналісткай

|

Ірэна Валюсь удзельнічала ў акцыі салідарнасці з актывістамі непрызнаваемага беларускімі ўладамі Саюза палякаў у Беларусі, які ўзначальвае Анжаліка Борыс.

Нагадаем, што 17 лютага прыблізна сто актывістаў гэтай арганізацыі прыйшлі да Кастрычніцкага РАУС, каб выказаць падтрымку тром сваім паплечнікам, якія сядзелі ў міліцэйскім спэцпрыёмніку.

Ігар Банцар, Мечыслаў Яскевіч і Андрэй Пачобут былі арыштаваныя на пяць сутак за ўдзел у несанкцыянаванай акцыі, якая адбылася каля будынку Саюзу Палякаў у Гродне 10 лютага.

Абвінавачванне Ірэне Валюсь грунтуецца на відэаздымцы, якую ў час акцыі вялі супрацоўнікі міліцыі.

Гэта не першы канфлікт Ірэны Валюсь з прадстаўнікамі ўлады.

>

 

15 лютага журналістку прымусова зацягнулі (гл. фота) у аддзяленне міліцыі ў Валожыне (Мінская вобл.), дзе на яе склалі адміністратыўны пратакол нібыта за абразу кіраўніка праўладнай арганізацыі Саюзу палякаў у Івянцы Станіслава Бурачэўскага.

 

Фота: Радыё Свабода і Юліі Дарашкевіч, “Наша Ніва“.