Пажары падчас святаў

|

У суботу каля чацвёртнай раніцы ў адным з пакояў інтэрната “Гроднажылбуд” на вуліцы Гданьскай 4 здарыўся пажар. Супрацоўнікі МНС, якія прыбылі на месца здарэння, спынілі распаўсюджванне вагню і эвакуавалі 50 чалавек. У выніку пашкоджана маёмасць, закопчаныя сцены пакою. Магчымая прычына пажару – парушэнне правілаў эксплуатацыі электрасеткі і электраабсталявання, а калі прасцей – падключэнне занадта вялікай колькасці прыбораў да адной разеткі.

У той жа дзень у пасёлку Першамайскі Шчучынскага раёна і вёсцы Падвялікае Дзятлаўскага раёна палалі лазьні. Прычына падобная – парушэнне правілаў карыстання печамі і награвальнымі прыборамі.

На шчасце, падчас святочнага ўікэнду пажары не забралі ніводнага жыцця.

Паводле інфармацыі МНС

На фота – вынікі пажару ў інтэрнаце