Гродзенка страціла аўтамабіль, пачаставаўшыся тасолам

|

У клубе дзяўчына зноў піла, а раніцай прачнулася ў чужой кватэры побач з незнаёмымі людзьмі, якія хуценька выставілі яе за дзверы.

Пацярпелая гуляла па вуліцы, калі чарговыя незнаёмыя маладыя людзі запрасілі яе ў сваю машыну.

У іх дзяўчына таксама папрасіла алкаголю. Некалькі разоў кампанія спынялася, і ў шклянку пацярпелай замест спіртнога налівалі тасол.

Апоеную атрутай дзяўчыну вазілі па горадзе і ў рэшце рэшт высадзілі ў раёне Панямуні.

Калі дзяўчына апрытомнела, высветлілася, што машына, якую яна пакінула раніцай на вуліцы Лідскай, знікла.

Знікла і вялікая сума грошай з банкаўскай карткі.

Аператыўнікі высветлілі, што злаўмыснікі скралі аўто, пакуль дзяўчына была ў непрытомнасці пасля пачастунку тасолам.

Машыну перагналі ў Мінск, дзе збіраліся прадаць, а, калі гэта не атрымалася, яе пакінулі ў адным з двароў. Падазраваныя затрыманыя і абвінавачваюць ва ўсім адзін аднаго.

Узбуджана крымінальная справа па артыкуле 207, частка 2 “разбой”.

Злачынцам пагражае да 15 гадоў пазбаўлення волі з канфіскацыяй маёмасці.

Паводле http://www.uvd.grodno.by