Гарадзенцы чакаюць новага трэнера

|

Сустрэча пачалася ў 18.00, а не ў 19.00, як было анансавана на сайце.

Для трэнера гарадзенцаў гэта быў ці не апошні шанс захаваць сваю пасаду: адна перамога ў 16 згуляных матчах чэмпіянату настроілі супраць Алега Радушкі і кіраўніцтва клуба ледзь не ўсіх заўзятараў.

Нагода палепшыць статыстыку была добрая – у госці наведалася жодзінскае “Тарпеда”, якое таксама пляцецца ў нізе турнірнай табліцы.

Не выйшла – сумныя 0-0 і ў Гродне ўсё часцей гучыць імя Сяргея Гурэнкі. Менавіта самага вядомага выхаванца гарадзенскага футбола чуткі сватаюць на ролю выратавальніка гонару гарадзенскага футболу.

Ды і сам Сяргей (на здымку), які яшчэ гэтай вясной ачольваў сталічнае “Дынама”, здаецца, не супраць вярнуцца ў новай ролі на родны для сябе стадыён.

Гэта наўпрост вынікае з яго інтэрв’ю, якое з’явілася сёння ў сеціве.

Адстаўка Радушкі і прызначэнне Гурэнкі можа адбыцца ўжо ў бліжэйшыя дні.

 

Фота: goals.by