У Гродне трэніруецца хакеіст НХЛ
Сваім з’яўленнем у Гродне зорка беларускага хакею абавязаны трэнеру гарадзенцаў Дзмітрыю Краўчанку, з якім у Касціцына з даўніх часоў склаліся добрыя адносіны.
Апроч Сяргея Касціцына ў складзе гарадзенцаў трэніруецца і былы брамнік зборнай Беларусі Сяргей Шабанаў.
У мінулым годзе ён стаў чэмпіёнам краіны ў складзе сталічнага “Юнацтва”, але пакінуў гэтую каманду з-за сваркі з галоўным трэнерам дружыны Міхаілам Захаравым.
У складзе зборнай Беларусі Шабанаў браў удзел у шасці чэмпіянатах свету і Алімпійскіх гульнях 2002 года.