Беларусь далучыцца да Балонскага працэсу?

Паведамленне пра гэта прэс-службы Лукашэнкі змяшчае сайт Агенцыі фінансавых навін.

 

Мэта Балонскага працэсу – стварэнне Еўрапейскай прасторы вышэйшай адукацыі і яго наступнае ўдасканаленне.

 

Уступленне Беларусі ў Балонскі працэс будзе садзейнічаць “збліжэнню адукацыйных стандартаў нацыянальнай і еўрапейскай сістэм вышэйшай адукацыі, узмацненню інтэграцыі сфер навукі, адукацыі і высокатэхналагічнай вытворчасці, доступу ў еўрапейскую сетку забеспячэння якасці адукацыі і правядзенню міжнароднай акрэдытацыі беларускіх універсітэтаў” і іншыя карысныя рэчы.

 

Некалькі год таму Беларусь ўжо была на парозе да ўступлення ў Балонскі працэс. Аднак амаль гатовы закон, які ўводзіў падзел на бакалаўраў і магістраў, быў адкінуты. Беларусаў тады запэўнівалі, што ўсё ж беларуская адукацыя нашмат лепшая.

 

Чым скончыцца спроба гэтым разам?