Наступствы катастрофы ў Беластоку ліквідавалі 230 пажарных
Рух цягнікоў з Беластока ў бок беларускай мяжы не спыняўся, аднак ў бок Варшавы і на Элк цягнікі пойдуць не раней за сераду.
Пакуль пасажыраў давозяць да сталіцы Польшчы альтэрнатыўным шляхам: аўтобусам да станцыі Лапы, а ўжо адтуль цягніком.
Трапіць у Элк можна даехаўшы аўтобусам да станцыі Старасельцэ і перасеўшы там на цягнік.
Часовыя аўтобусы адпраўляюцца з аўтастаянкі на вуліцы Zwyciestwa (каля будынка чыгуначнага вакзала).
Цягнікі з Кузніцы Беластоцкай і Сакулкі ў кірунку Беластоку адпраўляюцца па звычайным раскладзе, але, пакуль наступствы пажара на чыгунцы ў Беластоку не будуць канчаткова ліквідаваны, шлях да Беластока можа падоўжыцца на паўгадзіны.
Нагадаем, сутыкненне двух грузавых цягнікоў адбылося ўчора раніцай у раёне вуліцы Гетманскай у Беластоку.
Вагоны сышлі з рэек, пачаўся вялізны пажар, на месцы згарэлі 17 аўто і 2 лакаматывы.
Фота з сайта http://bialystok.gazeta.pl