Два пажары – дзве ахвяры
Праз 15 хвілін супрацоўнікі МНС пачалі тушыць вагонь і толькі тады стала заўважна, што полымя распаўсюджваецца з суседняй кватэры, дзверы якой гарачыя.
Ці ёсць у кватэры людзі ніхто не ведаў, звонку дзверы адчыніць не атрымалася.
Выратавальнікі трапілі ў кватэру праз балкон.
Памяшканне было настолькі задымленае, што толькі праз некалькі хвілін удалося адшукаць цела гаспадыні двухпакаёвай кватэры.
Жанчына, якая ў гэты час была дома адна, задыхнулася. У яе засталіся трое дзяцей.
Папярэдне прычынай пажара называюць кароткае замыканне.
Высветлілася, што гаспадары згарэўшай кватэры несанкцыянавана, з парушэннямі правілаў супрацьпажарнай бяспекі, падключылі да электрашчытка пральную машыну.
Канчатковыя высновы зробяць эксперты.
Замыканне электраправодкі стала таксама прычынай пажара ў вёсцы Петралевічы Слонімскага раёна.
Пакуль бацькі пілавалі дровы, у хаце без нагляду заставаліся гадавалая дачка і чатырохгадовы сын.
Пажар заўважылі суседзі, яны ж выклікалі выратавальнікаў.
Толькі тады агонь заўважылі гаспадары хаты.
Бацька паспеў выхапіць з вагню дзяўчынку.
Праз 7 хвілін, калі супрацоўнікі МНС прыбылі на месца, дом быў цалкам ахоплены полымем.
Цела хлопчыка выратавальнікі знайшлі на ложку.
Трагедыю можна было б прадухіліць, калі б бацькі раней заўважылі агонь, але на момант пажара абое былі моцна пьяныя.