У паўфінале Кубка Беларусі “Нёман” згуляе з “Белшынай”
Гульня праходзіла ў Магілёве, пакольку аніводны стадыён у Наваполацку не гатовы пакуль прыняць футбалістаў.
Галы ў складзе гарадзенцаў ў другім тайме сустрэчы забівалі малдаўскі легіянер Фрунзэ, а таксама Іван Дзянісевіч.
Паколькі ў першай сустрэчы, якая праходзіла 2 сакавіка ў Гродне, была зафіксаваная нічыя 1-1, у паўфінал Кубка Беларусі выйшлі гарадзенцы.
7 сакавіка адбылося лёсаванне пар паўфіналістаў. Яно і вызначыла наступнага суперніка “Нёмана”.
13 сакавіка наша каманда згуляе ў Бабруйску супраць тамтэйшай “Белшыны”.
Сустрэча ў адказ пройдзе праз тыдзень у Гродне.
Другую пару паўфіналістаў склалі “Гомель” і салігорскі “Шахцёр”.
Уладальнік Кубка Беларусі ўжо сёлета зможа згуляць у Лізе Еўропы.
На здымку: “Нафтан” застаўся за спіной. Наперадзе “Белшына”.
Фота prosto-free