“Гродна-93” заваяваў срэбра чэмпіянату краіны па баскетболе
Апошняя гульня серыі адбылася 6 траўня ў Гродне.
Як і ў двух сустрэчах у Мінску, перавага гасцей не выклікала сумневу: 69:83.
За ўвесь сёлетні чэмпіянат “Мінск-2006” не прайграў сваім супернікам аніводнага разу.
Апроч гарадзенскіх баскетбалістаў срэбраныя медалі заваявалі і нашыя валейбалісты.
І тут дарогу гарадзенскаму “Камунальніку” перайшла дружына са сталіцы – “Будаўнік”.
У гэтым выпадку, аднак, перавага чэмпіёнаў не была такой відавочнай. Па ходу чэмпіянату гарадзенцы двойчы перамагалі “будаўнікоў”.
Шансы на залатыя медалі захоўваюць гандбалісткі “Гараднічанкі”.
У фінальнай серыі ім давядзецца супернічаць са сталічным БНТУ.
На здымку: абарона “Гродна-93” спрабуе стрымаць націск супернікаў з Мінску.
Фота Яраслава Ванюкевіча