Трагедыя ў Слонімскім раёне забрала жыцці трох дзяцей

|

Трагедыя здарылася ў вёсцы Вялікая Кракотка.

Каля 6 гадзін раніцы бацька пайшоў на працу, крыху пазней маці таксама пакінула дзяцей, паехала ў Слонім.

Дым, які выбіваўся з-пад даху, заўважылі суседзі. Выклікаўшы выратавальнікаў, яны паспрабавалі ўвайсці  ў дом, аднак дзверы былі зачыненыя.

 

Ратаваць унукаў кінуўся дзядуля.

Пакой быў поўны дыму, хаця адкрытага вагню не было: тлелі коўдра і вопратка на падлозе.

Дзядуля вынес малых на свежае паветра, іх ратавалі рэаніматолагі, але безвынікова.

Урач канстатаваў смерць дзяцей.

 

Па папярэдніх звестках прычынай пажара сталі дзіцячыя гульні з вагнём.

У выніку загінулі сямігадовая Наталля, пяцігадовая Таццяна і трохгадовы Вадзім.

 

Сям’я, дзе здарылася трагедыя, характарызавалася як непаспяховая.

Маці і бацька злоўжывалі алкаголем, бацька стаіць на ўліку ў Слонімскім псіханеўралагічным дыспансеры.

За тое, што пакінулі дзяцей у небяспецы, бацькам  пагражае крымінальная адказнасць з пазбаўленнем волі на тэрмін да 3 гадоў.

 

Паводле http://mchs.grodno.by