У Гродне рабаўнікі напалі на таксіста
На прывакзальнай плошчы хлопцы амаль апоўначы падыйшлі да кіроўцы новенькай “Кіа”.
Папрасілі падвезці на лецішча ў раёне Юбілейнага возера.
Адзін сеў спераду, другі – на задняе крэсла.
Размаўляючы з кіроўцам пра цяжкую працу таксіста і распытваючы пра заробкі, адзін са злачынцаў дастаў нож.
Пасля Каробчыцаў пасажыры папрасілі збочыць у лес.
Не чакаючы, пакуль машына спыніцца, хлопец ззаду паласнуў нажом па горле кіроўцы. Машына ўрэзалася ў дрэва і заглохла.
Кіроўца не здаваўся, яго жорстка збівалі, зламалі нагу.
На шчасце, на дарозе нечакана з’явіўся аўтамабіль. Скрываўлены кіроўца скочыў яму насустрач.
Злаўмыснікі, зразумеўшы, што напад не атрымаўся, схаваліся ў лесе.
Праца аператыўнікаў крымінальнага вышуку хутка дала вынік: аднаго з злачынцаў затрымалі на здымнай кватэры ў Гродне, а праз некалькі гадзін схапілі і другога.
За рабаўніцтва ім пагражае ад 8 да 15 гадоў пазбаўлення волі.
Пацярпелы кіроўца з шматлікімі нажавымі раненнямі шыі, грудзі, рук, пераломам голені шпіталізаваны.
Паводле http://uvd.grodno.by