У ваколіцах Гродна ў ДТЗ за выходныя загінулі 4 пешаходы

|

Першая ахвяра суботы – 24-гадовы пешаход, які пераходзіў дарогу каля в.Далёкія (аўтадарога “Мінск-Гродна”).

У пяць гадзін раніцы хлопец пераходзіў дарогу перад аўтобусам  “Радзіміч”.

 

Каля 9 гадзін вечара пад коламі  “Фальсвагена”  ў Лідзе загінуў пьяны пешаход, які ішоў проста па дарозе.

Кіроўца знік з месца здарэння, але ў хуткім часе затрыманы.

 

Чарговы наезд (на здымку) здарыўся ў в. Салтанішыкі Воранаўскага раёна.

Загінуў 20-гадовы мясцовы жыхар, які  ляжаў за купай саломы пасярэдзіне праезжай часткі, калі яго пераехаў “Нісан”.

Кіроўца вырашыў прапусціць салому паміж колаў і не ўбачыў чалавека.

Загінулы быў п’яны. Ён ішоў разам з сябрамі ў суседнюю вёску на дыскатэку. Заўважыўшы адсутнасць прыяцеля праз некаторы час, яны пачалі клікаць хлопца, а пасля вырашылі, што той вярнуўся дамоў, і пайшлі далей.

 

У нядзелю ўвечары наезд  на пешахода без флікераў адбыўся на дарозе “Гродна-Азёры”.

П’яны, які ішоў па праезжай частцы, атрымаў траўмы.

 

А каля в.Лукі 65-гадовы мясцовы жыхар атрымаў несумяшчальныя з жыццём пашкоджанні, трапіўшы пад колы мікрааўтобуса “Форд”.

Чалавек, парушаючы правілы, ішоў па дарозе ў папутным накірунку.

 

У прэс-службе Гродзенскай ДАІ адзначылі, што наезды на пешаходаў у цёмны час сутак здараюцца вельмі часта.

Значная колькасць пацярпелых і загінулых пад час здарэння знаходзіцца на цёмнай дарозе без флікераў, хаця асобнай статычтыкі ДАІ не вядзе.

 

Паводле http://gaigrodno.by