Льготы пры паступленні ў ВНУ могуць адмяніць ўжо ў наступным годзе
Паводле БелТА, А.Тозік адзначыў, што ў наступным годзе адбудуцца змены ў правілах прыёму ў ВНУ.
У першую чаргу, на ягоную думку, неабходна адмяніць любыя ільготы пры паступленні ў ВНУ.
“Адзіным крытэрам паступлення павінны быць толькі мазгі”, – падкрэсліў віцэ-прэм’ер.
У краіне катастрафічна не хапае кваліфікаваных працоўных, таму пры паступленні неабходна размяркоўваць абітурыентаў паміж вышэйшымі навучальнымі ўстановамі і прафесійна-тэхнічнымі вучэльнямі.
Паводле актуальных на сёння правіл прыёму ў ВНУ РБ, зарэгістраваных у 2006 годзе (апошнія змены – у 2009 годзе), без іспытаў у ВНУ залічваюцца:
– пераможцы міжнародных і рэспубліканскіх алімпіяд і творчых конкурсаў па профільных прадметах, прызёры і пераможцы Алімпійскіх гульняў, чэмпіянатаў (на спецыяльнасці фізкультуры і спорта);
– лаўрэаты спецыяльных фондаў прэзідэнта за высокія дасягненні ў асобных дысцыплінах, якія адпавядаюць профілю абранай спецыяльнасці;
– выпускнікі сувораўскай вучэльні з добрай паспяховасцю (пры паступленні на адпаведныя спецыяльнасці).
Пераможцы абласных этапаў прадметных алімпіяд аўтаматычна атрымліваюць вышэйшы бал па адпаведным прадмеце ўступнага выпрабавання.
Па-за конкурсам (акрамя некаторых спецыяльнасцей) пры наяўнасці ў атэстаце адзнак не ніжэй за 6 балаў па прадметах уступных іспытаў у ВНУ залічваюцца:
– дзеці-сіроты
– пераможцы і прызёры афіцыйных беларускіх чэмпіянатаў па пэўных відах спорту
– рэкамендаваныя вайсковымі часткамі асобы (на ваенныя факультэты і ў ВНУ Міністэрства абароны, МУС, МНС)
Акрамя таго перавагі пры роўнай колькасці балаў маюць:
– дзеці-інваліды, інваліды, дзеці загінулых службоўцаў і вайскоўцаў
– выпускнікі ССНУ, якія маюць стаж працы па спецыяльнасці не менш за 2 гады пры паступленні на завочную форму навучання
– абітурыенты з шматдзетных сямей
– уладальнікі залатых і срэбных медалёў і дыпломаў з аднакай і некаторыя іншыя катэгорыі абітурыентаў.