Аляксандр Семянчук: гэта толькі пачатак працы

|

Даведнік змяшчае амаль 50 старонак добрых іллюстрацый, мапу і добрае апісанне падзей амаль 100 гадовай даўніны.

 

 

Гераічная абарона крэпасці ў І і ІІ сусветныя войны, цытаты з успамінаў нямецкіх і савецкіх салдат, успаміны жыхароў Гарадзеншчыны, што працавалі на пабудове крэпасці – гэта толькі частка таго, што можна знайсці ў даведніку.

 

align=”left” >Аляксандр Семянчук (на здымку), адзін з аўтараў даведніка, спадзяецца, што гэта толькі першы крок да выдання вялікай кнігі па крэпасці:

 

– “Сам даведнік рыхтаваўся на працягу апошніх 2-х год. Складана было здабыць сродкі на выданне, але мы знайшлі спонсара. Ім стаў гарадзенскі мясакамбінат, які і выкупіў увесь наклад выдання.

 

Даведнік добры у першую чаргу тым, што з яго дапамогай можна вывучаць саму крэпасць.


Што было вядома звычайнаму гарадзенцу? Адзін альбо два фарты ў накірунку Аўгустоўскага канала.

 

А цяпер мы маем апісанне кожнага фарта і мапу з усімі GPS каардынатамі, каб можна было пад’ехаць да кожнага аб’екта.

 

Наступнае выданне, якое мы плануем, – гэта вялізная кніга, прысвечаная 100-годдзю пабудовы крэпасці. Для гэтага плануем наведаць у бліжэйшы час архівы, дзе захавалася яшчэ шмат не апрацаваных дакументаў”.

 

Фарты гарадзенскай крэпасці ўнесены ў спіс помнікаў архітэктуры, аднак належнай аховы ці нават добраўпарадкавання тэрыторыі каля іх не вядзецца.

 

Аўтарамі даведніка з’яўляюцца два гарадзенскія краязнаўцы: Зміцер Люцік, супрацоўнік гарадзенскага гісторыка – археалагічнага музея і прадпрымальнік Аляксандр Семянчук.

 

Аляксандр ўжо больш за 10 год самастойна ў вольны ад працы час аб’язджаў амаль усе аб’екты крэпасці і 68-га ўмацаванага раёну і таму ведае на гэтай тэрыторыі амаль кожны камень.

 

Фота аўтара