Вакол Свяцкага палацу вырубаюць дрэвы

|

Цяпер гэтыя старыя дрэвы пачалі вырубаць.

 

Распавядае краязнаўца Ігар Лапеха:

 

Да рэканструкцыі  парка ў Свяцку існуюць 2 падыходы.

Першы – гэта знесці ўсё і па новай аднавіць кампазіцыю 18 стагоддзя.

Другі  – гэта згадзіцца з тым, што старыя дрэвы выраслі і перайшлі  ў разрад каштоўнасцяў.


Згадзіцеся, што турысту лепш адпачыць пад старымі вялізнымі дрэвамі , чым пад маладымі нядаўна пасаджанымі.

Некаторыя дрэвы насамрэч можна спіліць.

Да прыкладу туевую алею, якая засланяе выгляд палацу і на яе месцы аднавіць так званы “італьянскі сад”.

Туі, што пасаджаныя  між дамбаў, на маю думку пасаджаныя не да месца.


За возерам таксама трэба прарэжваць насаджэнні, якія раней былі паркам, а зараз выглядаюць як проста лесанасаджэнні.

Аднак там трэба пакінуць старую таполю.


Галоўная праблема ў гэтым парку ў тым, што гарамадскасць не інфармуецца аб тым, што там адбываецца.

Няма у СМІ інфармацыі пра тое, якая там вядзецца праца, і таму грамадскасць з большага надумвае сабе сама.

 

На дадзены момант былы палац у Свяцку  і комплекс вакол яго перайшлі ва ўласнасць санаторыя “Азёрны” , які, у  сваю чаргу, да нядаўняга часу належыў Нацыянальнаму Банку Рэспублікі Беларусь.