Таццяна Касатая працуе і збіраецца працягваць вучобу за мяжой

|

Цяпер Таццяна збіраецца пісаць скаргу на імя міністра адукацыі, аднак для гэтага ёй неабходна атрымаць копіі пратаколаў пасяджэнняў трох універсітэцкіх камісій, якія ацэньвалі яе працу.

 

Таццяна Касатая:

2 тыдні, як напісала заяву на імя рэктара, каб мне выдалі копіі пратаколаў.

Гэта пратакол камісіі кафедры, атэстацыйнай, і апошняй, якую стварылі спецыяльна па маёй просьбе.

Хачу параўнаць пратаколы з тым, што ў мяне запісана.

Бо кожны раз указваліся розныя прычыны майго адлічэння. Спачатку выказвалася прэтэнзія, што няма другой главы, пасля казалі, што я зусім не выканала план.

Трэцяя камісія ўвогуле згадвала трэцюю главу.

Вельмі супярэчліва.

 

Працягваць вучобу Таццяне хутчэй за ўсё давядзецца за мяжой.

Яна пакуль не вырашыла дзе, ды і ўсе тэрміны ў гэтым годзе ўжо скончыліся.

Галоўнае будзе знайсці навуковага кіраўніка, як быў бы спецыялістам у дастаткова вузкай тэме: тэма навуковай працы Касатай – «Дзейнасць евангельскіх хрысціян-баптыстаў у БССР. 1944-1991 гг.».

 

Таццяна:

Ужо нейкая абыякавасць адчуваецца, эмоцыі суцішыліся.

Пакуль працую ў турыстычнай фірме, збіраю матэрыялы па сваёй тэме і не толькі.

Думаю, усё будзе добра.

 

3 лістапада ў Гродне адбылася прэзентацыя кнігі Таццяны Касатай і Віктара Саяпіна “Гродна: кіно, тэатр, цырк”.