Дзеці разбурылі вясковыя могілкі

|

У пятніцу, 11 лістапада, жыхары вёскі Гнезна Ваўкавыскага раёна былі ашаломленыя надзвычайным здарэннем.

 

Напярэдадні ноччу невядомыя разбурылі пахаванні на мясцовых могілках.

 

Як сведчыць адзін з жыхароў вёскі, на магілах разбіты ўсе шкляныя лампады, пашкоджаныя агароджы і помнікі, на свежых магілах выдраныя крыжы, а таксама разваленыя надмагільныя ўзгорачкі.

 

Супрацоўнікі Ваўкавыскага РАУС, якія прыехалі на месца здарэння, «па гарачых слядах» выявілі вінаватых.

 

Вандаламі аказаліся трое дзяцей, старэйшаму з якіх усяго толькі 11 гадоў.

 

Паколькі дзеці не дасягнулі ўзросту, з якога настае крымiнальная адказнасць, крымінальная справа па факце вандалізму распачатая не будзе.

 

За ўчынак непаўналетніх у адміністрацыйным парадку адкажуць іх бацькі. Жыхары Гнезна ж парадкавалі магілы продкаў да позняга вечара.

 

Паводле region4.by