Візітную картку Гродна разбіраюць на кавалкі
Выламаныя вокны, якія бачныя праз шкелет металічных кантрукцый, – так зараз выглядае адзіны ў горадзе будынак псеўдарускага стылю, пабудаваны напрыканцы 19 стагоддзя.
Распавядае гарадзенскі гісторык Андрэй Вашкевіч:
– Першае адлюстраванне гэтага будынка мы маем на паштоўках канца 19 стагоддзя.
Гэта цікавы прыклад змяшання двух стыляў: эклектыкі і псеўдарускага.
alt=”Image 17980″ >
Так выглядаў дом у 1919 годзе
Раней такіх будынкаў было ў горадзе тры: будынак на Савецкай вуліцы, які зараз зменены да непазнавальнасці, дом Мураўёва і харальная сінагога.
Існуе легенда, што на Беларусі ёсць толькі 3 будынкі, пабудаваныя адным архітэктарам: тэатр у Магілёве, дом купца Мураўёва, а затым ён пачаў рэканструкцыю гарадзенскай харальнай сінагогі.
Яшчэ ў 2010-м годзе мы, гарадзенскія гісторыкі, падалі заяву ў пракуратуру, каб даведацца пра лёс бунынка, аднак нас чакала чарговая адпіска.”
Яшчэ ў 2007-ым годзе дом купца Мураўёва быў унесены ў спіс гiсторыка-культурных каштоўнасцей і з’яўляецца помнікам другой катэгорыі.
Рэстаўрацыяй будынка займаецца Беларускі Народны Банк, аднак да фінішу рэканструкцыі ён не можа дацягнуць з-за адмовы выселіцца адной жыхаркі.
Паводле старшыні землеўпарадкавальнай службы Гродзенскага гарвыканкама Дзмітрыя Маціюка, ёй прапаноўвалі ажно 14 варыянтаў перасялення.
ААТ «Беларускі народны страхавы пенсійны фонд» набыў будынак на аўкцыёне ў снежні 2005 года.
Планы былі грандыёзнымі.
У былым доме купца збіраліся размясціць гатэль і рэстаран з відам на Савецкую плошчу.
На першым паверсе плануюць пакінуць выкарыстоўваць падвальныя памяшканні.
На другім паверсе будзе хол, выхад на балкон, гатэльныя нумары.
На трэцім — два VIP-нумары, на чацьвёртым — адзін, з назіральнай пляцоўкай.
Дом купца Мураўёва ў 2004 годзе
Унутраны дворык адвядуць пад рэстаран, які будзе праглядацца зверху, з вокнаў, што выходзяць ва ўнутраны дворык.
Пад ім — більярдны клуб.
Будзе і навясны зашклёны калідор у асноўны будынак.
Флігель таксама адвядуць пад гатэль.
Зараз справамі будоўлі займаецца пракуратура, а будынак напярэдадні зімы стаіць без вокнаў.