5 снежня адзначаецца сусветны Дзень валанцёра

 

Першым мерапрыемствам фэсту стаў семінар  “Павышэнне сацыяльнай актыўнасці жыхароў Гродна праз развіццё валанцёрскага руху “.

Затым, цягам двух дзён, для гродзенскіх валанцёраў ладзіліся семінары і майстар-класы.

 

У майстар–класе па “Ацаляльнай магіі” паўдзельнічала карэспандэнтка Твайго стылю.

 

Нашы заняткі не ўспрымаюцца дзецьмі, як прымушальныя, тэрапеўтычныя.

Яны з радасцю супрацоўнічаюць  з намі, успрымаюць  як гульню і падчас яе развіваюцца,” – пачаў Віталь Паўлаградскі, трэнер майстар-класа і кіраўнік праграмы  “Ацаляльная магія”.

 

 

Праграма распрацованая ў ЗША знакамітымі ілюзіяністамі Сіндзі і Кэвін Спэнсэр.

У яе межах валанцёры навучаюць людзей з псіхафізічнымі асаблівасцямі простым фокусам,  якія ўплываюць на развіццё памяці, канцэнтрацыі і пэўных  мышцаў.

 

Займацца пачынаюць  з дзецьмі ад 5-ці год.

Абмежаванне адно  – у навучэнца павінна працаваць хаця б адна рука.

Але гэты прынцып не жорсткі, як кажа трэнер, пры падтрымцы людзей з боку,  фокусам можа навучыцца нават чалавек, у якога працуюць толькі два пальца.

 

Весці занятак Віталю Паўлаградскаму дапамагала Юля Рыжкоўская.

Трэнеры прадстаўлялі “Беларускую асацыяцыю клубаў Юнэска”.

 

На майстар-клас сабралося 14 чалавек, у асноўным навучэнцы і выпускнікі факультэта псіхалогіі ГрДзУ.

Пераважная большасць з іх мае некалькі гадоў вопыту валанцёрскай працы з дзецьмі.

 

З першагу погляду было цяжка адрозніць спрыт рук трэнера ад чараўніцтва.

 

alt=”Image 18065″ >

 

Адразу выканаць нескладаныя, па словах Віталя, фокусы было не так проста.

Калі валацёры працавалі з гумкамі, гумкі лёталі па ўсёй аўдыторыі.

Трэнеры паказалі, як зрабіць рагатку з дапамогай адных рук.

 

Атрымляныя  веды маладыя людзі будуць выкарыстоўваць у працы з сваімі падапечнымі.