Кампанія “У Беларусь і Еўропу – БЕЗ ВІЗЫ!” пачала працу з валанцёрамі

|

Некалькі дзясяткаў  маладых людзей, якія  будуць дапамагаць працы кампаніі “Без Візы”, адабраныя на конкурснай аснове з 241 дабраахвотніка, што адгукнуліся на абвестку аб адборы валанцёраў.

Большасць з іх з Мінску. І толькі каля 5% дабраахвотнікаў з Гродна.

18 снежня першая частка валанцёраў сустрэлася ў Мінску, а другая частка – 21 студзеня ў Гродне.

Валанцёры з розных гарадоў Беларусі будуць дапамагаць ажыццяўляць як ужо запланаваныя мерапрыемствы, так і рабіць свае ўласныя праекты.

Па выніках  хатняга задання  валанцёры працягнуць навучанне ў Вільні.

 

Кампанія “У Беларусь і Еўропу – БЕЗ ВІЗЫ!” распачалася ў канцы сакавіка 2011 года. У межах кампаніі былі знятыя фільмы пад агульнай назвай “Visa stories”, прэзентаваныя гарадзенцам у верасні.

 

У межах кампаніі ў траўні распачалася таксама фота-акцыя Belarus Watch: “БЕЗ ВІЗЫ!” за адмену візавага рэжыму паміж Беларуссю і Еўропай.

 

Здымак з сайта http://ampby.org