Беларускія памежнікі падсумавалі вынікі працы за 2011 год

Беларускія памежнікі падсумавалі вынікі працы за 2011 год

Лічбы былі агучаныя на пашыраным пасяджэнні калегіі Дзяржаўнага памежнага камітэту.

Паводле статыстыкі летась на 17,7% павялічылася колькасць грамадзян, якія перасякалі мяжу на латвійкім накірунку, на 13% – на польскім, на 2,2% – на літоўскім, на 5,8% – авіяпасажыры. Колькасць ахвотных наведаць суседнюю Украіну ў мінулым годзе зменшылася на 6%.
Плынь транспартных сродкаў найбольш павялічылася ў кірунку Латвіі – на 17,7%, на ўкраінскім – на 13,2%, затое зменшылася на літоўскім (-7,7%) і польскім (-0,9%) кірунках.

У 2011 годзе было затрымана каля 800 парушальнікаў мяжы. Гжта на  40,6% больш, чым у пазамінулым годзе.
Памежны кантроль за год выявіў больш за 1200 сховішчаў у транспартных сродках.
У кантрабандыстаў канфіскавана матэрыяльных каштоўнасцей на больш чым 79 мільярдаў рублёў (3200 выпадкаў), 160 адзінак зброі, 3500 боепрыпасаў.
Зафіксавана 85 спробаў незаконнага перамяшчэння наркатычных сродкаў і псіхатропных рэчываў (на 40,3% больш у параўнанні з 2010 годам.

У межах адміністратыўных працэсаў супраць парушальнікаў памежнага заканадаўства было разгледжана больш за 15,5 тысячы справаў, накладзена больш за 9300 штрафаў на агульную суму каля 1 мільярда рублёў.

Гродзенская вобласць знаходзіцца на мяжы з Польшчай і Літвой.
На яе тэрыторыі размешчаны 6 памежных пунктаў пропуску ( 4 – на беларуска-літоўскай мяжы, 2 – на беларуска-польскай).

Паводле http://gpk.gov.by