Эксперымент «цыгарэта»
Я вырашыў правесці невялікі эксперымент, каб высвятліць, наколькі добра працаўнікі шапікаў памятаюць рэкамендацыі Савету Міністраў. Знайшоў некалькі добраахвотнікаў-падлеткаў, якія пагадзіліся дапамагчы мне. Эксперымент пачаўся.
Узяўшы фотаапарат, схаваўся за вуглом шапіка, што знаходзіцца побач з крамай «Удачный» на Вішняўцы. Праз пару хвілін падыйшлі мае добраахвотнікі і спыталі пачак цыгарэт. Прадаўшчыца, не звяртаючы ўвагі на падлеткавы ўзрост, спакойна прадала цыгарэты. Усё гэта я сфатаграфаваў, забраў у хлопцаў пачак і падыйшоў да акенца. Пытаю жанчыну:
– Выбачайце, але чаму ў парушэнне закону вы прадалі цыгарэты дзецям?
Прадаўшчыца ў адказ абурана:
– Гэта я прадаю, ці што?
– Дык вось, толькі што прадалі цыгарэты хлапчукам! – І паказваю пачак.
Жанчына злосна забірае тавар, вяртае грошы і гаворыць напрыканцы:
– Больш не падыходзьце, не прадам.
– А мы і не палім! – Усміхаюся я і адыходжу.
Выснова: «папярэджанне» пра 18 гадоў, налепленае на шапіках, часцяком «забываюць» самі прадаўцы. А наколькі часта, можна прасачыць па колькасці тых, хто паліць у школах.
Святаслаў Ляўчук