Прычынай самападпалу слонімца стала сварка з сужыцелькай

|

Паводле часова выконваючага абавязкі начальніка штаба Слонімскага РАУС маёра міліцыі Сяргея Іванчука ўсё пачалося з-за таго, што мужчына прыйшоў дамоў нападпітку.

Разгарэлася сварка.

Мужчына паабяцаў спаліць сябе і аўтамабіль сужыцелькі і пайшоў з дому.

Праз пару хвілін жанчына ўбачыла, што з яе машыны ідзе дым.

 

Аказалася, што пажар пачаўся з-за таго, што мужчына абліў сябе і салон машыны гаручай вадкасцю і кінуў запалку.

Калі на месца прыбылі выратавальнікі, вагонь з небаракі збілі мясцовыя жыхары.

Аўтамабіль згарэў практычна цалкам.

 

Ні пра мужчыну, ні пра жанчыну суседзі не ўзгадалі нічога дрэннага, на спецыяльных уліках яны таксама не стаялі.

 

Мужчына атрымаў тэрмічныя апёкі 2-3 ступені 70% цела: галавы, рук, ног, тулава.

У шокавым стане ён змешчаны ў рэанімацыю слонімскай бальніцы.

 

Паводле http://uvd.grodno.by