Наваградак хоча далучыцца да Пакту мэраў
Акрамя прадстаўнікоў мясцовых уладаў у сустрэчы ўдзельнічалі прадстаўнікі Канферэнцыі энергетычнай хартыі, італьянскай правінцыі К’еці, міжнародныя эксперты па ўстойлівай энергетыцы.
Удзельнікі Пакту мэраў бяруць на сябе абавязацельствы па рэалізацыі стратэгіі ЕС “20-20-20”: скараціць выкіды вуглякіслага газу да 20%, зменьшыць спажыванне энергіі на 20” і да 20% павялічыць долю выкарыстання аднаўляльных крыніц энергіі.
На першым этапе працоўная група з удзелам мясцовых спецыялістаў у сферы энергетыкі, прамысловасці, сельскай гшаспадаркі, будаўніцтва і г.д. правядзе энергетычны аўдыт рэгіёну.
На сёння ў Наваградку ўжо зроблена рэканструкцыя цэнтра развіцця дзіцяці з цепларэнавацыяй. Вада ў басейне будзе награвацца з дапамогай батарэй, якія выкарыстоўваюць энергію сонца. На гэтае пілотнае мерапрыемства Еўрасаюз выдаткаваў 34 тысячы еўра.
Старшыня Наваградскага райвыканкаму лічыць, што ўдзел у Пакце мэраў дапаможа Наваградку прыцягнуць інвестараў, зменьшыць энергазатраты, паспрыяе стварэнню новых працоўных месцаў і станоўча паўплывае на навакольнае асяроддзе.
З беларускіх гарадоў Пакт мэраў падпісаў толькі Полацк.
Паводле belta.by
Здымак http://esco-ecosys.narod.ru