«АБ-БА» адзначыла юбілей
Мерапрыемства адбылося пры падтрымцы Маршалкоўскай управы Падляскага ваяводства. Вядучай мерапрыемства стала выпускніца першай групы выпускнікоў ліцэя № 3, якая пачала вывучаць беларускую мову яшчэ ў першым класе, а зараз працягвае яе вывучэнне ва ўніверсітэце.
Напачатку мерапрыемства глядачы пабачылі спектакль «Гульня ў сонную каралеву» паводле З. Вуйцік у перакладзе Аліны Ваўранюк. Студыя беларускага фальклору «Я нарадзіўся тут» пад кіраўніцтвам Анны Васькоўскай прадставіла песні ў выкананні дашкольнікаў і вучняў пачатковых класаў.
Студыя фальклору AБ-БА by t-styl
Прэм’ерай стаў спектакль на аснове вершаў А. Асецкай «Станцыя вар’ятаў». Аліна Ваўранюк выступіла перакладчыцай вершаў і тэкста. Пра ўласна задуму, спадарыня Аліна гаворыць так:
– Ідэя пастаноўкі спектакля належыць актору Беластоцкага драматычнага тэатра Бэрнарду Мацею Баня. На станцыі вар’ятаў сустракаюцца розныя людзі і паміж імі пачынаецца нейкае дзеянне. Спектакль пра жыццё, як і ўласна песні Агнешкі Асецкай.
Фрагмент спектакля «Станцыя вар’ятаў»
Урачыстасці скончыліся салодкім пачастункам, які быў падрыхтаваны пры дапамозе бацькоў дзяцей.
Здымкі аўтара