У Гродна з’явіўся вадаспад
Напэўна, калі планавалі так званую “швайцарскую даліну” каля вуліцы Віленскай, павінны былі неяк прадумаць цыркуляцыю вады ў Гараднічанцы.
Аднак з функцыянальнай часткай прамахнуліся – за некалькі год пасля добраўпарадкавання даліны, пашыранае рэчышча абмялела, зацвіло ды зарасло хмызняком.
І вось натуральны цуд. Поўны і бурлівы вадаспад прадстаў перад вачыма мінакоў.
Праўда, пах ад яго быў … Не вельмі прыемны, мякка кажучы. І не асабліва рамантычны.
Аднак, калі заплюшчыць вочы і перастаць звяртаць увагу на пах, то гук прыемна ўражваў. Гук такога вялікага і поўнаводнага вадаспада, такога, які ён павінен і быць.
Фота аўтаркі