Гарадзенскія журналісты салідарныя з Антонам Сурапіным

|

Акцыя пачалася ў сацыяльных сетках пасля затрымання Антона 13 ліпеня.

З таго часу ён знаходзіцца ў ізалятары КДБ. Яго вінавацяць у дапамозе незаконнаму перасячэнню мяжы Беларусі.

 

Антон жа проста размясціў на сваім сайце Belarussian News Photos фатаграфіі мядзведзянятаў з заклікамі да свабоды слова, якія скінуў на тэрыторыю Беларусі самалёт шведскага рэкламнага агенцтва Studio Total.

 

7 жніўня стала вядома, паводле інфармацыі КДБ, грамадзянам Беларусі Сурапіну і Башарымаву прад’яўлена абвінавачванне ў дапамозе ў здзяйсненні незаконнага перасячэння дзяржаўнай мяжы нашай краіны.

 

Тым часам фота-акцыя ў падтрымку арыштаванага журналіста толькі набірае абароты. На дадзены момант у ёй прынялі ўдзел больш за 30 журналістаў, рэкламістаў, фатографаў.