Футбалісты “Нёмана” буйна перамаглі ў Жодзіне

|

Футбольны чэмпіянат краіны аднавіўся 11 жніўня пасля працяглага перапынку, звязанага з удзелам зборнай Беларусі ў Алімпійскіх гульнях.

 

 

Гарадзенцы першую жнівеньскую сустрэчу правялі ў нядзелю ў гасцёх супраць жодзінскага “Тарпеда-БЕЛАЗ”.

 

Усе тры гульні ў мінулым сезоне і адна ў гэтым паміж супернікамі нязменна сканчаліся ўнічыю. Гэтым разам, аднак, перавага “Нёмана” была бясспрэчнай.

 

Лік у сустрэчы ў першым тайме адкрыў Лявіцкі (20 хв.). Пасля перапынку забівалі Лясюк (60 хв.), Дзянісевіч (70 і 90-я хв., з пенальці) і серб Весялінаў (79 хв.). Адзіны гол у адказ гаспадары правялі толькі на 3-й дададзенай арбітрам хвіліне (Вяргейчык).

 

Пасля гэтай перамогі “Нёман” замацаваўся на 6-м радку ў турнірнай табліцы, адстаючы на 3 ачкі ад “Мінска”.

 

Наступную сустрэчу гарадзенцы згуляюць 19 жніўня на сваім полі супраць наваполацкага “Нафтана”.

 

12 жніўня.

“Тарпеда-БЕЛАЗ”, Жодзіна – “Нёман” 1-5

 

Фота з архіву fcneman.by