Чаго прыязджалі футбольныя заўзятары ў Слонім?
Міліцыя высвятляе, чаму менавіта ў Слонім з’ехаліся футбольныя фанаты з трох гарадоў Беларусі і ўчынілі там бойку. Пра гэта паведаміў намеснік начальніка ўпраўлення аховы правапарадку УУС Гродзенскай вобласці Мікалай Аліфіровец.
“Праводзіцца праверка па факце бойкі футбольных фанатаў у Слоніме, затрыманы меркаваны яе арганізатар”, паведаміў М. Аліфіровец.
Акрамя таго, па яго словах, праводзіцца праверка абгрунтаванасці прымянення табельнай зброі супрацоўнікам слонімскай міліцыі, які выстраліў 8 разоў у паветра, каб паклікаць на дапамогу калег.
М. Аліфіровец патлумачыў, што “ў Слонім, які ніколі не быў сталіцай футбольных заўзятараў, на матч паміж мясцовай футбольнай камандай і “Белшынай” (Бабруйск), прыехалі фанаты з Баранавічай, Брэста і Мінска. У самім Слоніме не больш за 40 футбольных заўзятараў”.
Па яго словах, “усім футбольным фанатам, якія прыехалі ў Слонім, не больш за 20 год, усе былі цвярозыя. На першы погляд, яны не належаць да дэструктыўных груп”.
Паводле interfax.by
Здымак паводле gs.by